*ग्रामपंचायत मध्ये कार्यरत शिपाई कर्मचाऱ्यांना नियमित करा*
*आ. डॉ .देवरावजी होळी यांना ग्रामपंचायत कर्मचारी संघटनेच्या पदाधिकाऱ्यांचे निवेदन*
*मागण्या पूर्ण करण्यासाठी शासन स्तरावर पाठपुरावा करू निवेदकांना आ. डॉ. देवरावजी होळी यांचे आश्वासन*
*दिनांक ९ सप्टेंबर २०२३ गडचिरोली*
*मागील अनेक वर्षांपासून ग्रामपंचायत मध्ये मानधनावर कार्यरत शिपाई कर्मचाऱ्यांना शासनाने वेतनश्रेणी निश्चित करून त्यांना सेवेत सामावून घ्यावे व नियमित करावे अशी मागणी महाराष्ट्र राज्य ग्रामपंचायत कर्मचारी युनियन एन.जी.पी. ४५११ या संघटनेच्या कर्मचाऱ्यांनी निवेदनातून आमदार डॉक्टर देवरावजी होळी यांच्या माध्यमातून शासनाला केली आहे.*
*यावेळी महाराष्ट्र राज्य ग्रामपंचायत कर्मचारी युनियन नागपूर संघटनेचे अध्यक्ष मारोती पुल्लीवार सचिव नेताजी गंडाटे, तालुकाध्यक्ष सुमेथ हर्षे, सचिव गुरुदेवजी नैताम, यांच्या नेतृत्वात संघटनेच्या पदाधिकाऱ्यांनी दिले.*
*यावेळी कर्मचारी संघटनेच्या पदाधिकाऱ्यांनी आ. डॉ. देवरावजी होळी यांच्याशी जनसंपर्क कार्यालयात विस्तृत चर्चा केली. शिपाई कर्मचाऱ्यांना त्यांच्या शिक्षणाानुसार वर्ग ३ व वर्ग ४ मध्ये समायोजन करण्यात यावे, इतर कर्मचाऱ्यांप्रमाणे वेतनश्रेणी लागू करण्यात यावी, अंगणवाडी शिक्षीका व मदतनीसच्या धर्तीवर एक रक्कमी सानुग्रह मदत देण्यात यावी , इत्यादी मागण्यांबाबत शासन स्तरावर पाठपुरावा करून न्याय मिळवून द्यावा अशी विनंती केली*