*समुपदेशनासाठी टेलीमानस टोल फ्री क्रमांक 14416 वर संपर्क साधावा*
– *डॉ. सतीशकुमार सोळंकी*
गडचिरोली,(जिमाका) दि.11: जिल्हा रुग्णालय, गडचिरोली येथील ओपीडी हालमध्ये जिल्हा शल्य चिकित्सक डॉ. प्रमोद खंडाते यांच्या मार्गदर्शनाखाली जागतीक मानसिक दिन व सप्ताहाचे उदघाटन करण्यात आले.
या वर्षीचे मानसिक दिनाचे घोषवाक्य “मानसिक स्वास्थ सर्वांचे मानवी हक्क” हे होते. सदर कार्यक्रमाचे उदघाटन अति. जिल्हा शल्य चिकित्सक, डॉ. सतीशकुमार सोळंकी, मानसिक रोग तज्ञ डॉ. मनिष मेश्राम व डॉ. सचिन हेमके, जिल्हा क्षयरोग अधिकारी व मानसोपचार तज्ञ डॉ. इंद्रजित नागदेवते भिषक यांच्या हस्ते करण्यात आले.
कार्यक्रमाचे सुरुवातीस मानसिक रोग तज्ञ डॉ. मनिष मेश्राम यांनी उपस्थितांना मार्गदर्शन करतांना सरासरी 10 ते 15 टक्के लोकांना मानसिक आजार उद्भवतात. मानसिक आजार बरे करण्यासाठी औषधोपचार समुपदेशन, योगा, ध्यानसाधना करणे गरजेचे आहे, असे त्यांनी सांगितले. तसेच मानसिक आजाराची लक्षणे म्हणजे प्रामुख्याने चिंता करणे, झोप न येण, नेहमी उदास राहणे ही होय. तसेच आत्महत्या हा सर्वच गटातील वाढता मानसिक आजार आहे. यावरिल उपाय
मनातील भावना व्यक्त करणे हा उत्तम उपाय आहे. तसेच रुग्णालयातील मानसिक आजाराबददल देण्यात येणा-या सोई-सुविधांचा लाभ घेण्याचे आवाहन त्यांनी केले.
मानसोपचार तज्ञ डॉ. सचिन हेमके म्हणाले, मोबाईलचा अतिवापर केल्याने मानसिक आजार उदभवतो यामुळे 2050 पर्यंत प्रत्येक घराघरात मानसिक रुग्ण तयार होतील. म्हणून मोबाईलच्या व्यसनापासून दूर राहणे काळाची गरज आहे. तसेच डॉ. इंद्रजित नागदेवते, भिषक यांनी सध्या जगात अपहरण करणे, खून करणे, लुटमार करणे हे देखिल मानसिक आजार आहेत. याचे मुख्य कारण म्हणजे वाढती बेरोजगारी होय. यावर उत्तम उपाय म्हणजे लोकांची आर्थिक सामाजिक व सांस्कृतिक, शारिरिक व मानसिक परिस्थिती सुधारणे होय, असे ते म्हणाले. डॉ. सतिशकुमार सोळंकी यांनी मार्गदर्शनामध्ये मानसिक आजार हे सध्याच्या काळात वाढता आजार आहे. यासाठी शासनाने राष्ट्रीय मानसिक आरोग्य कार्यक्रम NMHP तसेच टेलिमानस टोल फ्रि क्रमांक 14416 सुरू केला आहे. यावर संपर्क करून शंकाचे निरसन व मानसिक आरोग्याबददल माहिती व समुपदेशन करुन घ्यावे, असे आवाहन केले.
सदर कार्यक्रमात सामान्य रुग्णालय, गडचिरोली येथिल नर्सिंग प्रशिक्षण केन्द्राच्या प्रशिक्षणार्थीनी मानसिक आजाराबाबत जनजागृतीपर पथनाटय सादर केले. तसेच कार्यक्रमाचे संचालन राजेश नागपुरे समाजसेवा अधिक्षक (मनोविकृती) यांनी तर आभार वैभव चांडोले यांनी मानले. यावेळी अधिसेविका अंजु यवले, तसेच नर्सिंग प्रशिक्षण केन्द्रातील प्राचार्य, श्रीमती कुळमेथे, डॉ. स्वाती साठे, अजय खैरकर, किशोर मोडक, किरण रघुवंशी, सतीश येरेकर, बाळासाहेब चव्हाण तसेच रुग्णालयातील अधिकारी व कर्मचारी आदी उपस्थित होते.
00000