🩸 “२१वे रक्तदान… सेवाभावाची ओळख!” मानव एकता दिनी पिंकूभाऊ बावणे यांचा प्रेरणादायी उपक्रम; शेकडो रक्तदात्यांचा उत्स्फूर्त सहभाग

🩸 “२१वे रक्तदान… सेवाभावाची ओळख!”

मानव एकता दिनी पिंकूभाऊ बावणे यांचा प्रेरणादायी उपक्रम; शेकडो रक्तदात्यांचा उत्स्फूर्त सहभाग

देसाईगंज, प्रतिनिधी :

मानव एकता दिवसाच्या निमित्ताने संत निरंकारी भवन येथे आयोजित करण्यात आलेल्या भव्य रक्तदान शिबिरात सामाजिक बांधिलकी आणि मानवतेचा अनोखा संगम पाहायला मिळाला. या शिबिरात देसाईगंजचे सभापती तथा नगरसेवक आणि राष्ट्रवादी काँग्रेस पार्टीचे तालुका अध्यक्ष मा. पिंकूभाऊ बावणे यांनी २१व्यांदा रक्तदान करून निःस्वार्थ सेवेचा आदर्श निर्माण केला.

शिबिराला माजी आमदार मा. कृष्णा गजबे, झोनल इन्चार्ज तथा माजी नगराध्यक्ष मा. किशनजी नागदेवे, नगरपरिषद उपाध्यक्ष मा. नरेशभाऊ विठ्ठलानी तसेच माजी नगरपरिषद उपाध्यक्ष मा. मोतीलालजी कुकरेजा यांची प्रमुख उपस्थिती लाभली. उपस्थित मान्यवरांनी रक्तदात्यांचे अभिनंदन करत अशा उपक्रमांमुळे समाजात सकारात्मक ऊर्जा निर्माण होत असल्याचे मत व्यक्त केले.

पिंकूभाऊ बावणे यांनी आजवर २१ वेळा रक्तदान करून अनेक गरजू रुग्णांना जीवनदान देण्याचे महान कार्य केले आहे. त्यांच्या या कार्यामुळे युवकांमध्ये समाजसेवेची प्रेरणा निर्माण होत असून रक्तदानाबाबत जनजागृती वाढत आहे.

“रक्तदान हेच खरे जीवनदान,” असा संदेश देत त्यांनी युवकांना मोठ्या संख्येने रक्तदानासाठी पुढे येण्याचे आवाहन केले. त्यांच्या या कृतीमुळे समाजात सेवा, एकात्मता आणि माणुसकीचे मूल्य अधिक दृढ होत आहे.

या भव्य रक्तदान शिबिरात शेकडो रक्तदात्यांनी उत्स्फूर्त सहभाग नोंदवत मानवतेचा जिवंत संदेश दिला.

👉 “रक्तदान करा… जीवनदान द्या!” ❤️🩸