महाशिवरात्रीच्या यात्रेत भाविकांना त्रास होणार नाही याची काळजी घ्या डॉक्टर देवराव जी होळी

महाशिवरात्रीच्या यात्रेत भाविकांना त्रास होणार नाही याची काळजी घ्या डॉक्टर देवराव जी होळी

 *महाशिवरात्रीच्या निमित्ताने मार्कंडा देव व चपराळा देवस्थान येथे होणाऱ्या यात्रेच्या संदर्भात आमदार डॉ. देवरावजी होळी यांची जिल्हाधिकाऱ्यांशी बैठक*

*मार्कंडा देव व चपराळा देवस्थानच्या अध्यक्षांसह, विविध विभागाचे मुख्य अधिकारी तथा प्रमुख विश्वस्तांची उपस्थिती*

*दिनांक ६/२/२०२३ गडचिरोली*

*महाशिवरात्रीच्या निमित्ताने मार्कंडा देवस्थान व चपराळा देवस्थान येथे लाखो शिवभक्तांची प्रचंड यात्रा भरते. या यात्रेमध्ये भाविकांना अडचणी व त्रास होऊ नये म्हणून प्रशासनाने योग्य ती काळजी घ्यावी अशी मागणी आमदार डॉक्टर देवरावजी होळी यांनी जिल्हाधिकारी गडचिरोली यांच्यासोबत झालेल्या बैठकीमध्ये केले.*

*व्यवस्थेच्या संदर्भामध्ये बैठकीचे आयोजन करावे या आमदार डॉक्टर देवरावजी होळी यांच्या मागणीवरून जिल्हाधिकारी यांनी सदर बैठकीचे आयोजन करण्यात आले.*

 *बैठकीला मार्कंडा देवस्थान व चपराळा देवस्थानचे अध्यक्ष तथा विश्वस्त, जिल्हा आपत्ती व्यवस्थापन अधिकारी कृष्णा रेड्डी, सार्वजनिक बांधकाम विभागाच्या अधीक्षक अभियंता सौ ठाकरे मॅडम, एम एस ई बी चे अधीक्षक अभियंता गाडगे साहेब, तहसीलदार चामोर्शी, ग्रामपंचायत मार्कंडा व चपराळाचे सचिव, बांधकाम व एम.ई सि.बी विभागाचे अधिकारी प्रामुख्याने उपस्थित होते.*

*बैठकीमध्ये आमदार डॉक्टर देवरावजी होळी यांनी मुख्य रस्त्यांची अवस्था योग्य नसल्याने यात्रे दरम्यान भाविकांना येणाऱ्या अडचणींबद्दल अधिकाऱ्यांना अवगत केले . त्यासाठी तातडीने उपाय योजना करण्यात यावी. यात्रा सुरू होण्यापूर्वीच यात्रेतील समस्या सोडवल्यास त्याचा आनंद भाविकांना घेता येईल त्यासाठी योग्य त्या उपाययोजना व नियोजन करावे अशी विनंती त्यांनी यावेळी जिल्हा प्रशासनाला केली.*