*भरड धान्य पिकवून गृह उद्योग करणाऱ्या बोधली येथील शेतकरी महिलांचा सत्कार*
*भाजप महिला मोर्चाचा उपक्रम*
गडचिरोली : – दि. 13 जुलै
*भरड धान्य वर्षाचे औचित्य साधून भारतीय जनता पार्टी महिला मोर्चा जिल्हा गडचिरोली च्या वतीने गडचिरोली तालुक्यातील बोधली येथील भरड धान्य निगडित गृहउद्योग करणाऱ्या स्वयंसिद्धा महिलांची भेट घेवून महिला आघाडीच्या जिल्हा प्रभारी तथा माजी नगराध्यक्ष योगीताताई पिपरे यांच्या हस्ते मका पीक घेणाऱ्या शेतकरी महिलांचा शाल, श्रीफळ व पुष्पगुच्छ देवून सत्कार करण्यात आला. यावेळी महिला मोर्चा च्या जिल्हा सचिव प्रतिभा चौधरी, शहर अध्यक्ष कविता उरकुडे, शहर महामंत्री वैष्णवी नैताम, शहर महामंत्री रश्मीताई बाणमारे, माजी नगरसेविका लता लाटकर, शहर उपाध्यक्ष कोमल बारसागडे, शहर सचिव नीताताई बैस, शहर उपाध्यक्ष ज्योतीताई बागडे, पुनम हेमके, वंदना शिंपी, सुनीता गेडाम, धकाते काकू उपस्थित होत्या.*
*2023 हे वर्ष आंतरराष्ट्रीय पातळीवर भरड धान्य वर्ष म्हणून साजरा करण्यात येत आहे. भारतीय संस्कृतीत आरोग्याच्या दृष्टीने भरडधान्य अर्थात श्रीअन्न अत्यंत महत्त्वाचे आहे . याचा प्रसार आणि प्रचार व्हावा यासाठी देशाचे लोकप्रिय पंतप्रधान आदरणीय श्री नरेंद्रजी मोदी यांच्या नेतृत्वाखाली केंद्राने हा उपक्रम सुरू केलेला असून भाजप महिला मोर्चाच्या राष्ट्रीय अध्यक्षा वनिता अक्का, भाजपचे महाराष्ट्र प्रदेश अध्यक्ष चंद्रशेखरजी बावनकुळे तथा भाजप महिला मोर्चा च्या प्रदेश अध्यक्ष मा. चित्राताई वाघ यांच्या मार्गदर्शनाखाली 5 जुलै ते 25 जुलै 2023 पर्यंत हे अभियान राबविण्यात येणार आहे.*
*महाराष्ट्रभर या भरड धान्य विषयी जागरूकता निर्माण करणे हा या अभियानाचा मुख्य उद्देश असून ज्वारी, बाजरी, मका हे भरड धान्य गडचिरोली जिल्ह्यात ज्या भागात पिकवल्या जाते तिथल्या ग्रामिण भागातील महिला शेतकऱ्यांची भेट घेत त्यांचा सन्मान करण्यात येत आहे असे यावेळी महिला मोर्चा च्या जिल्हा प्रभारी योगीताताई पिपरे यांनी सांगितले.*