*जेप्रा-अमीर्झा बस तातडीने सुरू करा*
*आमदार डॉक्टर देवरावजी होळी यांना जेप्रा वासियांच्या वतीने निवेदन*
*विद्यार्थी तसेच आरोग्याच्या दृष्टीने गैरसोय होत असल्याची केली तक्रार*
*दिनांक ७ जुलै गडचिरोली*
*जेप्रा या मार्गावर दिभना, जेप्रा ,राजगाटा,राजघाटा चेक ही गावे येत असून जेप्रा हे मोठे गाव मध्यभागी आहे. मात्र या मार्गावर यापूर्वी सुरू असलेली बस सेवा बंद असल्याने गावकरी व विद्यार्थ्यांना मोठा त्रास सहन करावा लागत आहे तसेच आरोग्याच्या दृष्टीने स्थानिक नागरिकांनाही अनेक अडचणींना सामोरे जावे लागत आहे. त्यामुळे ही बस तातडीने सुरू करण्यात यावी अशी मागणी जेप्रा येथील सरपंच सौ. शशिकला ताई झंजाळ व भाजपा नेते देवानंदजी चलाख यांनी गावकऱ्यांच्या वतीने निवेदन देऊन केले.*
*गावातील लोकांना तालुक्याच्या मुख्यालयी जाण्यासाठी बस सेवा नाही ,शाळेच्या विद्यार्थ्यांसाठी बस सेवा नाही, अमीर्झा येथे बँकेचे खाते असल्याने अनेक शेतकऱ्यांना ,विद्यार्थ्यांना अमीर्झा येथे ये जा करण्यासाठी कोणतेही साधन नाही .त्यामुळे लवकरात लवकर ही बस सेवा सुरू करून गावकरी व विद्यार्थ्यांवरील अन्याय दूर करावा अशी मागणी निवेदनाच्या माध्यमातून केली आहे. यावेळी आमदार महोदयांनी निवेदकांना आश्वासित करीत याबाबत तातडीने संबंधित विभागाला पत्र देण्याचे निर्देश दिले.*