प्रभागाचे क्रमांक 7 चे सक्षम नेतृत्व भूमिता योगेश रणदिवे !
वृत्तवानी गडचिरोली न्यूज,
गडचिरोली,ता. २३ : अनेक वर्षांपासून दुर्लक्षित राहिलेल्या अतिदुर्गम, माओवादग्रस्त व उद्योगविहीन गडचिरोली जिल्ह्यावर केंद्र व राज्य सरकारची २०१४ पासून कृपादृष्टी झाल्यामुळेच जिल्ह्यात वेगाने विकास होत आहे. अशात गडचिरोली नगर परीषदेच्या माध्यमातून गडचिरोली शहराच्या विकासात योगदान देण्यासाठी प्रभाग क्रमांक ७ चे नेतृत्व करण्यासाठी भूमिता योगेश रणदिवे सज्ज झाल्या आहेत. त्या घरोघरी भेटी घेत असून जनतेकडून त्यांचे उत्स्फूर्त स्वागत होत आहे.
आजपर्यंत विविध सामाजिक कार्यात सक्रीय असलेल्या भूमिता योगेश रणदिवे आता शहर विकासासाठी सज्ज झाल्या आहेत. त्यांच्या योग्यता व नेतृत्व क्षमता बघून भारतीय जनता पक्षाने त्यांना प्रभाग क्रमांक ७ मधुन उमेदवारी दिली आहे. गडचिरोली नगर परीषदेच्या नगराध्यक्ष पदाच्या उमेदवार अॅड. प्रणोती सागर निंबोरकर यांच्या नेतृत्वात नगरसेविका म्हणून जनतेची सेवा करण्यासाठी भूमिता रणदिवे जनतेशी संवाद साधत असून जनताही त्यांच्या कार्याचे कौतुक करत त्यांना यशासाठी शुभेच्छा देत आहेत. भूमिता रणदिवे संपूर्ण प्रभाग फिरत असून प्रत्येक घरी जाऊन नागरिकांशी संवाद साधत त्यांच्या समस्या जाणून घेत आहेत. जनतेचा आशीर्वाद मिळून अपेक्षित यश मिळाले की आपण या सर्व समस्या सोडवून जनतेला सर्व सुख, सुविधा पोहोचवण्यासाठी यशस्वी प्रयत्न करू. जनतेच्या आशीर्वादाने जनतेच्या सुखासाठीच आपण निवडणुकीच्या रिंगणात असल्याचे त्यांनी सांगितले.
—————————————-