🔴 जनगणना कामासाठी प्रगणकांना Android-12 व्हर्जनचा मोबाईल उपलब्ध करून द्यावा

🔴 जनगणना कामासाठी प्रगणकांना Android-12 व्हर्जनचा मोबाईल उपलब्ध करून द्यावा

➡️ चामोर्शी तालुक्यातील शिक्षकांची तहसीलदार तथा चार्ज अधिकारी श्री. प्रशांत घोरुडे यांच्याकडे मागणी

देशभरात सुरू झालेल्या जनगणना प्रक्रियेत प्रगणक म्हणून जबाबदारी सोपविण्यात आलेल्या शिक्षकांना मोठ्या प्रमाणात तांत्रिक अडचणींचा सामना करावा लागत आहे. जनगणना कामासाठी प्रशासनाकडून Android-12 व्हर्जन असलेला मोबाईल आवश्यक असल्याचे सांगण्यात आले आहे. मात्र बहुतांश शिक्षकांकडे अशा प्रकारचे मोबाईल उपलब्ध नसल्याने जनगणना-HLO ॲप डाउनलोड होत नाही.

त्यामुळे जनगणना कार्य सुरळीतपणे पार पाडण्यात अडथळे निर्माण होण्याची शक्यता आहे. प्रशासनाने जनगणना कामासाठी आवश्यक सुविधा तातडीने उपलब्ध करून द्याव्यात तसेच Android-12 व्हर्जनचा मोबाईल प्रगणकांना त्वरित देण्यात यावा, अशी मागणी चामोर्शी तालुक्यातील शिक्षकांनी केली आहे.

या संदर्भात प्रशासनाकडे देण्यात आलेल्या निवेदनावर चामोर्शी तालुक्यातील ७९ शिक्षकांच्या स्वाक्षऱ्या आहेत.

निवेदन देताना महाराष्ट्र राज्य प्राथमिक शिक्षक संघाचे जिल्हाध्यक्ष श्री. रघुनाथ भांडेकर, अशिम बिश्वास, संतोष चावरे, सुनील सातपुते, राजकुमार कुळसंगे, जगदीश बावणे, बिजन मंडल, गोविंद बिडगर, रोहीदास कुनघाडकर, दिवाकर पेंदोर, काळबाजीवार सर, नारदेलवार सर, मनोहर केंद्रे, भैसारे सर, चोले सर, आर. बी. जुरे, संदीप शेळके आदी शिक्षक उपस्थित होते.