गडचिरोली वनवृत्तामधील भामरागड वन विभागात वाघाची कातडी जप्त करून दोघांना अटक

गडचिरोली वनवृत्तामधील भामरागड वन विभागात वाघाची कातडी जप्त करून दोघांना अटक

महाराष्ट्र व छत्तीसगड वनविभागांची संयुक्त कारवाई

तालुका प्रतिनिधी एटापल्ली

एटापल्ली: दि. 29.11.2023 रोजी पहाटे 03.00 वाजेच्या सुमारास मिळालेल्या गुप्त माहीतीच्या आधारे महाराष्ट्र व छत्तीसगड वनविभाग यांच्या संयुक्त चमुव्दारे एटापल्ली ते जिवनगटटा रोडवर वाघाच्या कातडीची तस्करी करणाऱ्या शामराव रमेश नरोटे, वय 30 वर्ष रा. वासामुंडी व अमजद खॉ अमीर खॉ पठाण, वय 37 वर्ष रा. एटापल्ली या आरोपीस ताब्यात घेण्यात आले. सदर कारवाईत आरोपीकडून वाघाची कातडी 1 नग, हिरोहोंडा मोटारसाईकल 1 नग, मोबाईल 3 नग असा मुददेमाल जप्त केला आहे. सदर वनगुन्हा प्रकरणी आरोपी शामराव रमेश नरोटे, वय 30 वर्ष रा. वासामुंडी व अमजद खॉ अमीर खॉ पठाण, वय 37 वर्ष रा. एटापल्ली यांचेविरूध्द वन्यजीव (संरक्षण) अधिनियम, 1972 चे कलम 9, 39, 48, 49, ए 49, बी 50 अन्वये वनगुन्हा क्र. 12/2023, दि. 29/11/2023 प्रमाणे गुन्हयाची नोंद करण्यात आली आहे.

उपरोक्त कारवाई ही रमेशकुमार वनसंरक्षक, गडचिरोली वनवृत्त यांचे मार्गदर्शनाखाली भामरागड वनविभागाचे उप वनसंरक्षक शैलेश मीणा व उदंती सितानदी टायगर रिजर्व छत्तीसगड वनविभाग उप निदेशक वरूण जैन व चमू यांचेव्दारे संयुक्तरित्या करण्यात आली. याबाबत राहूल टोलिया उप वनसंरक्षक आलापल्ली, गणेश पाटोळे, विभागीय वनअधिकारी दक्षता यांचे सहकार्य लाभले. कारवाईत चरण भेडके, वनपरिक्षेत्र अधिकारी ऐटापल्ली, सुशिल हलामी, धनिराम पोरेटी व ईतर कर्मचारी यांनी सहभाग घेतला. प्रकरणी पुढील तपास अशोक पवार सहायक वनसंरक्षक भामरागड़ यांचेमार्फत सुरू आहे.