पोलीस भरती पुर्व प्रशिक्षण व फास्टफुडचे प्रशिक्षण पुर्ण करणाया प्रशिक्षणाथ्र्यांचा निरोप समारोप संपन्न
* 100 प्रशिक्षणार्थींनी घेतले पोलीस भरतीपुर्व प्रशिक्षण तर 28 प्रशिक्षणार्थींनी घेतले फास्टफुडचे प्रशिक्षण
* जिद्द, मेहनत आणि आत्मविश्वासाने पोलीस भरतीला सामोरे जा
-अपर पोलीस अधीेक्षक श्री. कुमार चिंता सा.
गडचिरोली जिल्हयातील गरजु युवतींना पोलीस दलात रोजगाराची संधी देवून नोकरी मिळविणे करीता आत्मनिर्भर होण्याच्या उद्देशाने गडचिरोली जिल्हा पोलीस दलाच्या पोलीस दादालोरा खिडकीच्या माध्यमातुन प्रोजेक्ट उडान अंतर्गत मा. पोलीस अधीक्षक गडचिरोली श्री. नीलोत्पल सा. यांचे मार्गदर्शनाखाली नागरी कृती शाखेच्या वतीने गडचिरोली जिल्ह्रातील युवकांकरीता पोलीस भरती पुर्व निवासी प्रशिक्षणाचे व फास्टफुडचे प्रशिक्षणाचे आयोजन गडचिरोली पोलीस मुख्यालय येथे करण्यात आले होते. सदरचे प्रशिक्षण आज पुर्ण झाल्याने प्रशिक्षणार्थींचे निरोप समारंभ कार्यक्रम एकलव्य धाम, गडचिरोली येथे पार पाडण्यात आला.
सदर पोलीस भरतीपुर्व प्रशिक्षण दि. 11/03/2024 ते दि. 10/04/2024 पर्यंत एकुण 30 दिवसांचे निवासी प्रशिक्षण आयोजित करण्यात आले होते. प्रशिक्षणात सहभागी झालेल्या उमेदवारांना पोलीस भरतीच्या अनुषंगाने मैदानी चाचणी व लेखी परीक्षा याबाबत सविस्तर मार्गदर्शन करण्यात आले. या 09 व्या सत्रामध्ये 100 युवकांनी आपला सहभाग नोंदवला होता. आतापर्यंत घेण्यात आलेल्या पोलीस भरतीपुर्व प्रशिक्षणामध्ये गडचिरोली जिल्ह्रातील अतिदुर्गम भागातील रहीवासी असलेल्या एकुण 1462 युवक-युवतींनी आपला सहभाग नोंदविला आहे. यामधुन 132 जणांची पोलीस/एसआरपीएफ मध्ये निवड झाली आहे. आज रोजी पोलीस भरती पूर्व प्रशिक्षण पुर्ण झाल्याने प्रशिक्षण घेतलेले 100 युवक प्रशिक्षणार्थी निरोप समारंभ कार्यक्रमात हजर होते. या प्रशिक्षणादरम्यान सर्व उमेदवारांना गडचिरोली पोलीस दलाचे वतीने लोअर, टी-शर्ट, शुज, लेखी परीक्षेकरीता आवश्यक अभ्यासक्रमाची पुस्तके व इतर आवश्यक साहित्य मोफत वितरीत करण्यात आले. तसेच यशस्वीरीत्या प्रशिक्षण पुर्ण केलेल्या सर्व प्रशिक्षणाथ्र्यांना उपस्थित मान्यवरांच्या हस्ते पुष्पगुच्छ व प्रशस्तीपत्र देऊन सत्कार करण्यात आले. यादरम्यान उमेदवारांनी पोलीस भरतीमध्ये यशस्वी होण्याचे मनोगत व्यक्त केले.
यासोबतच गडचिरोली पोलीस दल व बिओआय आरसेटी यांच्या संयुक्त विद्यमाने आयोजीत करण्यात आलेल्या फास्ट फुड प्रशिक्षणामध्ये गडचिरोली जिल्ह्रातील दुर्गम-अतिदुर्गम भागातील रहीवासी असलेल्या एकुण 28 युवक-युवतींनी फास्ट फुड प्रशिक्षणामध्ये आपला सहभाग नोंदवला होता. आज रोजी फास्ट फुड प्रशिक्षण पुर्ण झाल्याने प्रशिक्षण घेतलेले 28 युवक-युवती प्रशिक्षणार्थी निरोप समारंभ कार्यक्रमात हजर होते. तसेच यशस्वीरीत्या प्रशिक्षण पुर्ण केलेल्या सर्व प्रशिक्षणाथ्र्यांना उपस्थित मान्यवरांच्या हस्ते प्रशस्तीपत्र वितरण करण्यात आले. या दरम्यान प्रशिक्षणाथ्र्यांनी आपले मनोगत व्यक्त करतांना आम्ही आपल्या परिसरामध्ये फास्ट फुड व्यवसाय उभारून स्वत:चे जिवनमान उंचवू, असे सांगितले. तसेच उमेदवारांनी सदरचे प्रशिक्षणाची संधी गडचिरोली पोलीस दलाने उपलब्ध करून दिल्याबद्दल आभार मानले आहे.
सदर समारोपीय कार्यक्रमात मा. अपर पोलीस अधीक्षक श्री. कुमार चिंता सा. यांनी प्रशिक्षणार्थींना आगामी पोलीस भरतीमध्ये जिद्दीने, मेहनतीने आणि चिकाटीने परिश्रम करुन यश संपादन करण्याचा संदेश दिला. तसेच पोलीस भरती पूर्व प्रशिक्षण केलेल्या सर्व प्रशिक्षणाथ्र्यांना भरतीसंदर्भाने काहीही गरज पडल्यास गडचिरोली पोलीस दल मदतीसाठी व मार्गदर्शनासाठी सदैव पाठीशी राहणार. यासोबतच फास्टफुड प्रशिक्षणार्थी यांनी रेस्टॉरंट, हॉटेल व्यवसायात पूढे यावे असे सांगितले. मा. अपर पोलीस अधीक्षक (प्रशासन) श्री कुमार चिंता सा. यांनी सर्व प्रशिक्षणाथ्र्यांचे अभिनंदन करुन पुढील वाटचाली करीता शुभेच्छा दिल्या. यावेळी कार्यक्रम समन्वयक श्री. हेमंत मेश्राम बीओआय आरसेटी, गडचिरोली हे उपस्थित होते.
सदर निरोप समारंभाच्या यशस्वीतेसाठी जिल्ह्रातील सर्व उपविभागीय पोलीस अधिकारी, पोस्टे/ उपपोस्टे/पोमकेचे सर्व प्रभारी अधिकारी तसेच नागरी कृती शाखेचे प्रभारी अधिकारी पोउपनि. धनंजय पाटील, पोउपनि. शेळके, सर्व पोलीस अंमलदार व कवायत निर्देशक यांनी विशेष परिश्रम घेतले.
।।।।।।।।