गडचिरोली पोलीस दलातर्फे रेझिंग डे निमीत्त करण्यात आले पथसंचलन
* पथसंचलनात पोलीस दलाच्या विविध शाखांसह शालेय विद्याथ्र्यांचा सहभाग
दिनांक 02 जानेवारी महाराष्ट्र पोलीस स्थापना दिन असून दिनांक 02 जानेवारी ते 08 जानेवारी पर्यंत रेझिंग डे सप्ताह साजरा केला जातो. या कालावधीत पोलीस दलाकडुन विविध उपक्रम राबविले जात असतात. या उपक्रमांचा भाग म्हणून आज दिनांक 02/01/2025 सकाळी 10 वा. गडचिरोली जिल्ह्राचे पोलीस अधीक्षक श्री. नीलोत्पल यांच्या उपस्थितीत गडचिरोली पोलीस दलाचे पथसंचलन पार पडले.
दिनांक 02 जानेवारी पासून जिल्ह्रातील सर्व पोस्टे/उपपोस्टे/पोकमें मध्ये रेझींग डे साजरा करण्यात येणार आहे. यादरम्यान गडचिरोली पोलीस दलाकडुन शालेय विद्याथ्र्यांसाठी शस्त्र प्रदर्शन, गडचिरोली पोलीस दलाविषयी माहिती, सायबर गुन्हे, महिला सुरक्षा या विषयीचे फलक दर्शवून लोकांमध्ये जनजागृती तसेच स्वच्छता अभियान व विविध उपक्रमांचे आयोजन करण्यात येणार आहेत.
त्याचाच एक भाग म्हणून आज गडचिरोली शहरातील कारगील चौकापासुन पथसंचलन सुरु होऊन इंदिरा गंाधी चौक येथे पथसंचलनाची सांगता करण्यात आली. सदर पथसंचलनात पोलीस दलातील विविध शाखांनी सहभाग घेऊन वाहतुक नियम व विविध विषयांचे फलक दर्शवून लोकांमध्ये जनजागृती केली. पथसंचलनामध्ये ध्वजवाहक, पोलीस मुख्यालय महिला प्लाटून, विशेष अभियान पथकाचे प्लाटुन, बँड पथक, शालेय विद्यार्थी, श्वान पथक, बीडीडीएस पथक व एमपीव्ही वाहन यांनी शिस्तबद्ध पथसंचलन केले. या पथसंचलनामध्ये उपविभागीय पोलीस अधिकारी कार्यालय गडचिरोली, पोलीस स्टेशन गडचिरोली, पोलीस मुख्यालय, मोटार परिवहन विभाग, विशेष अभियान पथक, सिव्हीक अॅक्शन, प्रोपागंडा, श्वान पथक, बीडीडीएस, सीटीसी, सायबर सेल, भरोसा सेल इ. शाखेतील अधिकारी व अंमलदार तसेच शासकीय इंग्रजी माध्यमिक आश्रम शाळा, महिला महाविद्यालय, राणी दुर्गावती हायस्कुल, गोंडवाना सैनिकी विद्यालय, शिवाजी हायस्कुल तसेच वसंत विद्यालय गडचिरोली अशा विविध शाळेतील एकुण 350 विद्यार्थी- विद्यार्थींनीनी आपला सहभाग नोंदविला.
सदर पथसंचलनामध्ये गडचिरोली जिल्ह्राचे पोलीस अधीक्षक श्री. नीलोत्पल, अपर पोलीस अधीक्षक (प्रशासन) श्री. गोकुल राज जी., पोलीस उप-अधीक्षक (अभियान) श्री. विशाल नागरगोजे, उपविभागीय पोलीस अधिकारी, गडचिरोली श्री. सुरज जगताप, पोलीस उप-अधीक्षक (गृह) श्री. स्वप्निल ईज्जपवार, प्रभारी अधिकारी पोस्टे गडचिरोली श्री. विनोद चव्हाण तसेच राखीव पोलीस उप-निरिक्षक, गडचिरोली श्री. दिवाकर सहारे व विविध शाखेचे पोलीस अधिकारी व अंमलदार उपस्थित होते.