*राष्ट्रवादी काँग्रेसचा स्थानिक इंदीरा गांधी चौक येथे जल्लोष*
*शरद पवार यांच्या निर्णयाचे केले स्वागत*
गडचिरोली : शरद पवार यांनी राष्ट्रवादी काँग्रेसच्या राष्ट्रीय अध्यक्षपदाचा निवृत्तीचा निर्णय मागे घेतल्याचा व सर्व सामान्य कार्यकर्तेचे मान ठेऊन हा निर्णय घेतल्याने आंनदाचे वातावरण निर्माण झाल्याने राष्ट्रवादी काँग्रेसच्या वतीने स्थानिक इंदीरा गांधी चौक येथे फटाके फोडून व जिलेबी चे वाटप करून जल्लोषात या निर्णयाचे स्वागत करण्यात आले.
शरद पवार यांनी राष्ट्रीय अध्यक्ष पदाचा दिलेला राजीनामा हा एकाही पदाधिकारी, कार्यकर्त्याला मान्य नव्हता. कार्यकर्त्यांच्या आग्रहाखातर पवार यांनी पक्षाच्या अध्यक्षपदी कायम राहण्याचे जाहीर केले. या निर्णयाचे गडचिरोली जिल्हा राष्ट्रवादी काँग्रेसचे जिल्हाध्यक्ष रविंद्र वासेकर यांच्या वतीने स्थानिक इंदीरा गांधी चौक येथे फटाके फोडून जल्लोषात या निर्णयाचे स्वागत करण्यात आले.
यावेळी रा.कॉ. जिल्हाध्यक्ष रविंद्र वासेकर, रायुकाँ जिल्हाध्यक्ष लिलाधर भरडकर, विद्यार्थी अध्यक्ष चेतन पेंदाम, राकाँ. जिल्हासचिव कपील बागडे, तालुका अध्यक्ष विवेक बाबनवाडे, सामाजिक न्याय विभाग जिल्हा अध्यक्ष इंद्रपाल गेडाम, राकाँ. महिला शहर अध्यक्ष मिनलताई चिमूरकर, ज्येष्ठ नेते संजय कोचे, सुनिल कत्रोजवार, दादा चुधरी, महेश टिपले, गुलाम शेख, अजहर बुखारी, अमर खंडारे, किशोर बावणे, संजय शिंगाडे, मल्लया कालवा, पराग दांडेकर, सागर दडमल आदी कार्यकर्ते उपस्थित होते.
