एटापल्लीमध्ये आरोग्य शिबिरास उत्स्फूर्त प्रतिसाद

एटापल्लीमध्ये आरोग्य शिबिरास उत्स्फूर्त प्रतिसाद

(समर्पण सामाजिक बहुउद्देशीय संस्था व श्री सार्वजनिक युवा गणेश मंडळ एटापल्लीचा पुढाकार)

एटापल्ली (प्रतिनिधी): तालुका आरोग्य अधिकारी कार्यालय, आरोग्य वर्धिनी केंद्र, समर्पण सामाजिक बहुउद्देशीय संस्था व श्री सार्वजनिक युवा गणेश मंडळ यांच्या संयुक्त विद्यमाने स्वस्थ नारी – सशक्त परिवार अभियानांतर्गत ३० सप्टेंबर २०२५ रोजी प्रभाग क्र. १० येथील गायत्री शारदा उत्सव मंडपात आरोग्य शिबिराचे यशस्वी आयोजन करण्यात आले.

या शिबिरात तब्बल ४० नागरिकांनी मधुमेह, रक्तदाब, सीबीसी, थायरॉईड, सिकल सेल, मलेरिया, डेंग्यू, कोलेस्टेरॉल, लिपिड प्रोफाईल, यकृत कार्य (LFT) व मूत्रपिंड कार्य (KFT) अशा विविध महत्त्वाच्या तपासण्या करून घेतल्या.

शिबिराचे उद्घाटन प्रभागातील ज्येष्ठ महिला श्रीमती सुनंदा नामेवार यांच्या हस्ते करण्यात आले. या उपक्रमास तालुका वैद्यकीय अधिकारी भूषण चौधरी यांचे विशेष सहकार्य लाभले. याप्रसंगी डॉ. गायत्री शहारे, नामदेव हिचामी (पाणीपुरवठा सभापती, नगरपंचायत एटापल्ली), समर्पण सामाजिक बहुउद्देशीय संस्थेचे अध्यक्ष राघवेंद्र सुल्वावार, उपाध्यक्ष राहुल कुळमेथे, सचिव अमोल गजाडीवार, कोषाध्यक्ष सुरज मंडल, सदस्य संतोष गंदेशिरवार, रोहित बोमकंटीवार, अंकित दिकोंडावार उपस्थित होते. तसेच गायत्री शारदा उत्सव मंडळाच्या पूजा पुल्लूरवार, सुरेखा मूलकावार, ललिता बल्लेवार, रेखा हमंद, ज्योती डोमलवार आणि सार्वजनिक युवा गणेश मंडळाचे पंकज पत्तीवार, सुमित नाडमवार, अनिकेत मामीडवार, शशांक नामेवार व आरोग्य वर्धिनी केंद्राचे कर्मचारीही सहभागी झाले.

या उपक्रमामुळे नागरिकांना आवश्यक आरोग्य तपासण्या गावातच सुलभपणे उपलब्ध झाल्या. शिबिराचे सर्वत्र कौतुक होत असून अशा आरोग्य उपक्रमांची सातत्याने गरज असल्याची भावना नागरिकांनी व्यक्त केली.