🚨 स्कॉर्पिओ-दुचाकी भीषण अपघात : पतीचा मृत्यू, पत्नी गंभीर जखमी

🚨 स्कॉर्पिओ-दुचाकी भीषण अपघात : पतीचा मृत्यू, पत्नी गंभीर जखमी

📍 समता नगर, गडचिरोली

गडचिरोली (प्रतिनिधी): शहरातील समता नगर परिसरात आज दुपारी स्कॉर्पिओ आणि दुचाकी यांच्यात भीषण अपघात झाला. या दुर्घटनेत दुचाकीस्वार पतीचा जागीच मृत्यू झाला असून त्यांची पत्नी गंभीर जखमी झाली आहे.

मृत व्यक्तीचे नाव हेमंत देमांडे (वय 46) असे असून ते समता नगर येथील रहिवासी होते. ते आपल्या पत्नीसमवेत दुचाकीने घरी जात असताना समोरून येणाऱ्या स्कॉर्पिओ वाहनाने जोरदार धडक दिली. अपघात इतका भीषण होता की, हेमंत देमांडे यांचा घटनास्थळीच मृत्यू झाला.

अपघातानंतर स्कॉर्पिओ चालकाने तत्काळ जखमी महिलेला जिल्हा सामान्य रुग्णालयात दाखल केले. सध्या तिच्यावर उपचार सुरू असून तिची प्रकृती चिंताजनक असल्याचे डॉक्टरांनी सांगितले.

घटनेची माहिती मिळताच पोलिसांनी घटनास्थळी धाव घेत पंचनामा केला असून मृतदेह शवविच्छेदनासाठी पाठविण्यात आला आहे. या प्रकरणी पुढील तपास सुरू आहे.