विविध विषयांवर आढावा सभा गाजली
भामरागड/18 ऑगस्ट 2021:- पंचायत समिती भामरागड येथील सभागृहात आज दिनांक 18 ऑगस्ट रोजी पंचायत समितीची आढावा सभा जि.प.अध्यक्ष अजय कंकडालवार यांच्या अध्यक्षतेखाली पार पडली.
विविध विषयांवर सदर आढावा सभा गाजली असून यावेळी जि.प.अध्यक्ष कंकडालवार यांनी सभेदरम्यान विचारलेल्या प्रश्नांना उत्तर देण्यात भामरागड पंचायत समितीमधील विभागप्रमुख व अधिकारी वर्ग काही वेळ गोंदळात पडले होते.
या आढावा सभेत पंचायत समिती अंतर्गत पंचायत विभाग,बांधकाम विभाग,घरकुल विभाग,स्वछ भारत मिशन,कृषी विभाग आणि जिल्हा परिषद गडचिरोली विभाग अंतर्गत जिल्हा परिषद बांधकाम विभाग,पाणी पुरवठा विभाग,सिंचाई विभाग,तालुका आरोग्य विभाग,एकात्मिक बाल विकास विभाग,शिक्षण विभागाचे विभागनिहाय सविस्तरपणे आढावा घेऊन विविध विषयांवर चर्चा करण्यात आली.
सदर आढावा बैठकीत भामरागड तालुक्याला जिल्हा परिषदेकडून शिक्षण,आरोग्य,रस्ते आणि इतर विकासात्मक कामे करण्यास निधी उपलब्ध करून देऊ अशी माहिती यावेळी जिल्हा परिषद अध्यक्ष अजयभाऊ कंकडालवार यांनी दिली.
यावेळी जिल्हा परिषद अध्यक्ष अजयभाऊ कंकडालवार,प्रभारी संवर्ग विकास अधिकारी चव्हाण साहेब सुधाकर तिम्मा तालुका अध्यक्ष आ.वी.स. भामरागड ,सीताराम मडावी जिंजगाव ,शामराव येरकलवार .लाहेरी,लालसू आत्राम ताडगाव,चात्रू मडावी माजी सरपंच कुडकेली,जगदीश कोकंमोठीवार .ताडगाव,रामचंद्र दुर्गे. येचली,गणेश गोटा. लाहेरी,लक्ष्मीकांत बोगामी लाहेरी,श्रीकांत बंडमवार परमेली,निलेश वेलादी सरपंच मेडपल्ली, जुलेख शेख.आलापल्ली ,कार्तिक तोगम, …………..आणि तालुका आरोग्य अधिकारी मिलिंद मेश्राम,बाल विकास प्रकल्प अधिकारी चव्हाण साहेब,वैधकीय अधिकारी चौधरी, जमदाडे,बांधकाम विभागाचे अभियंता जुव्हारे साहेब ,कनिष्ठ अभियंता डाकुर सर.,कृषी अधिकारी पंचायत श्रीरामे, विस्तार अधिकारी पंचायत, देव्हारे साहेब ,विस्तार अधिकारी शिक्षण घट शिक्षण अधिकारी मेश्राम सर ,सह विविध विभागाचे विभाग प्रमुख व अधिकारी वर्ग उपस्थित होते.
भामरागड येथील पंचायत समिती सभागृहात आढावा बैठक आटोपल्यावर जिल्हा परिषद अध्यक्ष अजयभाऊ कंकडालवार यांनी भामरागड येथील सा. बां.विश्रामगृहात भामरागड तालुक्यातील आविस पदाधिकारी व कार्यकर्त्यांची भेट घेऊन भामरागड तालुक्यातील विविध समस्यांवर चर्चा केले. आगामी येणाऱ्या भामरागड नगर पंचायत निवडणुकी संदर्भात सुध्दा स्थानिक पदाधिकारी व कार्यकर्त्यांसोबत चर्चा करण्यात आले.
भामरागड तालुक्याचा विकासासाठी जिल्हा परिषद स्तरावरून विकासासाठी निधी कमी पडून देणार नाही.आणि तालुक्यातील आविस पदाधिकारी व कार्यकर्त्यानी एकनिष्टेतेत काम करून पक्ष बळकटीसाठी काम करावे असे आवाहन जिल्हा परिषद अध्यक्ष कंकडालवार यांनी उपस्थित आविस पदाधिकारी व कार्यकर्त्याना आवाहन केले आहे.
