ब्रम्हपुरी :- तालुक्यातील चांदगाव येथील देवकाबाई माणीक राऊत ही महिला हृदयविकाराच्या आजाराने मागील काही दिवसांपासून त्रस्त आहेत. त्या वैद्यकीय उपचार घेत आहेत. मात्र आर्थिक अडचणींमुळे वैद्यकीय उपचार घेतांना विलंब होत आहे.
सदरची बाब राज्याचे आपत्ती व्यवस्थापन, मदत-पुनर्वसन, बहुजन कल्याण मंत्री तथा चंद्रपूर जिल्ह्याचे पालकमंत्री नाम. विजयभाऊ वडेट्टीवार यांना कळताच त्यांनी सदर महिलेच्या वैद्यकीय उपचारासाठी हातभार लागावा या हेतूने आपल्या कडून आर्थिक मदत पाठवली.
सदरची आर्थिक मदत देतांना ब्रम्हपुरी तालुका काँग्रेस कमिटीचे अध्यक्ष खेमराज तिडके, काॅंग्रेसच्या अनुसूचित जाती सेलचे अध्यक्ष प्रमोद मोटघरे, किसान काॅंग्रेस सेलचे अध्यक्ष नानाजी तुपट, किशोर राऊत, राजुभाऊ खुळशिंगे, श्री मसराम यांची यावेळी उपस्थिती होती.
