ब्रम्हपुरी :- तालुक्यातील निलज येथील देवानंद मुखरू हारगुळे वय ३२ वर्ष हा युवक मागील १ वर्षांपासून कॅन्सर आजाराने ग्रस्त आहे. तो घरातील कर्ता पुरुष असल्याने सध्यस्थितीत त्याला वैद्यकीय उपचार घेण्यासाठी व कुटुंबाचा उदरनिर्वाह करतांना आर्थिक अडचण निर्माण झाली आहे.
सदरची बाब निलज येथील ग्राम काॅंग्रेस कमेटीच्या पदाधिकाऱ्यांच्या मार्फतीने राज्याचे आपत्ती व्यवस्थापन, मदत-पुनर्वसन, बहुजन कल्याण मंत्री तथा जिल्ह्याचे पालकमंत्री नाम. विजयभाऊ वडेट्टीवार यांना कळताच त्यांनी सदर युवकाच्या वैद्यकीय उपचारासाठी आपल्या कडून आर्थिक मदत दिली.
सदरची आर्थिक मदत देतांना ब्रम्हपुरी तालुका काँग्रेस कमिटीचे कार्याध्यक्ष प्रभाकर सेलोकर, निलज ग्राम काॅंग्रेस कमेटीचे अध्यक्ष शंकर कोपुलवार, ग्रामपंचायत सदस्या शिलाताई सोंदरकर, सरपंच हेमंत ठाकरे, ग्रा.पं. सदस्य नारायण मेश्राम, विश्वनाथ भुते, विश्वनाथ नखाते, नारायण नखाते, विस्तारी ढोरे, तुकाराम चौधरी, नामदेव ढोरे, मनीराम भुते, गांगलवाडी येथील माजी सरपंच संदीप सेलोकर, राहुल मैंद यांची यावेळी उपस्थिती होती.
